Muqdisho-08-Aug-2023
Wasiirka Wasaaradda Xanaanada Xoolaha Dhirta iyo Daaqa XFS Wasiir Xasan Xuseen iyo wafdi uu hoggaaminayo oo safar shaqo ku jooga Magaalada Baydhabo ayaa maanta booqdey xarunta Wasaaradda Xanaanada Xoolaha, Dhirta iyo Daaqa DGKGS.
Booqashada Wasiirka ee Baydhabo ayaa qeyb ka ah safaro dhowr ah uu ku tagi doono dhammaan dowlad goboleedyada Dalka, kaas oo loogu kuur galayo howlaha shaqo ee Wasaaradaha Xanaanada Xoolaha ee dowlad goboleedyada Dalka.
Wasiir Hassan ayaa kulan la qaatay Wasiirka Xanaanada Xoolaha Dhirta iyo Daaqa Dowlad Goboleedka Koonfur Galbeed Wasiir Sandheere Mohamed Aftiin, qaar kamid agaasimayaasha iyo Guud ahaan shaqaalaha Wasaaraddaasi, safarka Wasiirka ee Baydhabo waxaa ku wehlinaya agaasimaha guud ee Wasaaradda Agaasime Maxamed Cumar.
