Shirka Wasaaradaha Xanaanada Xoolaha Dhirta & Daaqa XFS, Dowlad Goboleedyada iyo Gobolka Banaadir oo muqdisho lagu soo gabagabeeyey

Moqdisho- 18-Oct-2022 – Shirka Wasaaradaha Xanaanada Xoolaha Dhirta & Daaqa XFS, Dowlad Goboleedyada iyo Gobolka Banaadir oo muqdisho lagu soo gabagabeeyey sidoo kalena War-murtiyeed laga soo saarey.

Shirkan oo uu shir guddoominayey Wasiirka Xananada Xoolaha XFS Mudane Hassan Hussein Mohamed ayaa Inta uu socdey waxaa looga hadlayey hawlaha hortabinta u leh Wasaaradaha Xanaanada Xoolaha Dhirta & Daaqa DFS, Dowlad Goboleedyada iyo gobolka Banaadir.

falanqeyn iyo dood dheer kaddib shirka waxaa laga soo saarey warmurtiyeed kaas oo ka kooban qodobadan.

1. In la xoojiyo wada shaqeynta iyo xirriirka Wasaaraddaha heer Federaal iyo heer dowlad goboleed, ayadoo saddexdii biloodba mar leysugu imaanayo laguna qabanayo mid ka mid ah dowlad goboleedyada.

2. Si loo dardar geliyo shaqooyinka muhiimka ah waxaa laysku raacay in guddi heer farsamo ah ay kulmaan bishiiba mar.

3. Shirka wuxuu si qoto dheer ugu hadlay abaaraha soo noqnoqday islmarkaana saameynta weyn ku yeeshay xoolaha iyo xoola dhaqatada, sidaa darteed shirka wuxuu soo jeedinayaa in xooga la saaro waxsoosaarka calafka xoolaha, dibna loo soo nooleeyo daaqii qaranka ee lahaa seerooyinka kala duwan sida; (Seero Xiliyeed, Seero Abaareed iyo Seera Guud).

4. Si loo hubiyo badqabka & Caafimaadka bulshada, islaamarkaana looga hortago cudurada ka yimaada xoolaha ee u gudba dadka; shirka wuxuu go’aamiyey in wasaarduhu ay hubiyaan xoolaha loo diyaariyey in la qalo.

#Gunaanad Baaqyada Shirka

1. Shirka wuxuu ku baaqay in dhammaan Ummada Soomaaliyeed dowlad iyo shacabba loo gurmado dadka ay abaaruhu saameeyeen.

2. Shirka wuxuu ku baaqay in la badbaadiyo xoola dhaqatada xoolahooda, inta aysan ka dhammaanin.

3. Shirka wuxuu u mahadceliyey Wasaaradda Xanaanada Xoolaha Dhirta & Daaqa XFS oo laheyd qaban qaabada kulanka.

#DANQARAN

DHAMMAAD.

Wixii faahfaahin ah kala xiriir Xafiiska warfaafinta iyo xiriirka Warbaahinta Wasaaradda,

MOFLR Media Office

Email: media@molfr.gov.so

web: https://www.molfr.gov.so/

Facebook: https://www.facebook.com/MoLFRFGS

Twitter: https://twitter.com/cmol

Leave a Reply

Your email address will not be published. Required fields are marked *

All Rights Reserved by MOLFR- Designed by ICT Department