Wasaaradda Xanaanada Xoolaha Dhirta&Daaqa ayaa magaalada Muqdisho ku qabtay shir loogu hadlaayay Qiimeynta Bartamaha Mudada (Midterm Review) ee Istaraatiijiyadda Horumarinta Xoolaha Soomaaliya ee 10-sano (LSDS) 2020-2030.
Shirka waxaa ka soo qeyb galay Agaasimeyaasha Guud ee Dowlad Goboleedyada, khubaro ka socday (private sector) oo wasaaradda la shaqeeya, iyo Hay’addaha kale ee dowlada.
Ujeeddada shirka ayaa ahaa in dib loo eego guulihii ilaa hadda laga gaaray hirgelinta istaraatiijiyadda horumarinta xoolaha, caqabadaha jira, iyo qorshaha mustaqbalka si loo hubiyo in Soomaaliya ay gaarto yoolkeeda ah horumarinta dhaqaalaha iyo nolosha bulshada ku tiirsan xoolaha.
