Baydhabo -03-Oct-2023
Wasiirka Wasaaradda Xanaanada Xoolaha Dhirta iyo Daaqa XFS Wasiir Xasan Xuseen (Eeley) iyo Wafdi uu Hogaaminayo ayaa Maanta soo gaaray Magaalada Baydhabo.
Wasiirka iyo Wafdiga uu hoggaaminayo ayaa Baydhabo kaga qeyb gali doona shirka Wasaaradaha Xananada Xoolaha Dowlad Federaalka iyo kuwa Dowlad Goboleedyada Dalka oo Baydhaba ka dhacaya.
Wasiirka iyo wafdiga uu hoggaaminayo waxaa garoonka diyaaradaha ee Baydhaba kuso dhoweeyey Masuuliyiin katirsan DG Koonfur Galbeed, oo ugu horreeyo Wasiirka Wasaaradda Xanaanada Xoolaha dhirta iyo Daaqa Wasiir Sandheere Maxamed Aftiin.
